JOHN TENDWA AFARIKI DUNIA

MSAJILI wa Vyama vya Siasa, Jaji Francis Mutungi, anasikitika kutangaza kifo cha John Bill Tendwa, aliyewahi kuwa Msajili wa Vyama vya Siasa kuanzia mwaka 2001 hadi 2013. 

Tendwa amefariki dunia leo, Desemba 17, 2024, katika Hospitali ya Taifa Muhimbili, Dar es Salaam alipokuwa akipatiwa matibabu. 

Taratibu za mazishi zinaendelea kuratibiwa na familia kwa kushirikiana na Ofisi ya Msajili wa Vyama vya Siasa. Msiba upo nyumbani kwa marehemu eneo la Kibamba Hospitali. 

Ratiba na taarifa rasmi za mazishi zitatolewa mara baada ya kukamilika. 

Mwenyezi Mungu aipumzishe roho yake mahali pema peponi.