SERIKALI IPO TAYARI KUMUUNGA MKONO IRENE UWOYA - KAIRUKI

NA MWANDISHI WETU

SERIKALI imesema ipo tayari kuunga mkono juhudi ambazo zimeoneshwa na mwigizaji katika tasnia ya filamu nchini, Irene Uwoya, kuptia kampeni yake ya kuhamasisha wanawake wanaofanya shuguli za kilimo wasikate tamaa.

Hayo yamebainishwa leo jijini Dar esn Salaam na Angela Kairuki ambaye ni Mshauri wa Rais, Dkt Samia Suluhu Hassan wakati uzinduzi wa kampeni ya Kuhamaisha wanawake ambao wanaofanya kilimo wapige hatua na wasikate tamaa ambao inaongozwa na Uwoya.

“Pongezi kwa Uwoya na kama Serikali tuko tayari kumuunga mkono katika kampeni yake ya kuhamasisha wanawake ambao wamo katika sekta ya kilimo waendelee kufanya hivyo ili kuhamasisha wengine kuingia humo kwa maana inaendeleza juhudi za rais wetu kuendeleza sekta ya kilimo,” amesema .

Rais wetu Dkt Samia, ameifungua nchi kupitia sekta ya kilimo kwa kufanya kazi kubwa kwa kuiboresha na kusababisha wakulima kufanya vizuri ingawa miaka ya nyuma ilionekana wanaoingia katika nyanja hiyo kama wanadharauliwa.

Pia amesema Dkt Samia, ameweka fedha kwa ajili ya mikopo kwa wakulima kupitia Serikali imeweka fedha za kutosha ilihali miaka ya nyuma wakulima walikuwa wanashindwa kuaminika kukopeshwa kupitia benki ila kwa sasa hali ni shwari.

Tofauti ha hilo wakulima wemekuwa wakipatiwa elimu inayosaidia kupata ,mbinu mbalimbali za kuboresha ili kuendana na mabadiliko yanayohitajika kupitia sekta ya kilimo kwa lengo la kufikia mafanikio yenye tija.

Kairuki ameongeza kwamba Serikali imefanikisha kupatikana kwa masoko ndani na nje ya nchini kusaidia wakulima kutosumbuka kutafuta pa kuuzia mazao yao na kinachotakiwa kwa sasa ni wakulima kufuata kanuni za kuhakikisha mazao bora yanapatikana ili kuwa na soko la uhakika.

Pia ameongeza Serikali ya Awamu ya Sita kupitia Rais Samia, imefanikisha kujenga mahusiano bora ya kimataifa jambo linalosababisha wakulima kupata mafunzo kadha wakadha yanayofanya kuwa na kilimo bora kwa maslahi ya wakulima na nchi kwa ujmla.

 Naye Uwoya alitanabainisha kwamba siri kubwa ya mafanikio yake ameyapata kupitia kilimo jambo linalofanya watu wengi kumuuliza maswali mengi kuhusu mafanikio na baadhi yao wakihoji yametokana na nini.

“Takribani miaka sita sasa, jamii kwa ujumla ilikuwa ikijiuliza mafanikio yangu yametokana na nini, hivyo leo nimeona niwajibu kwa kwamba kilimo ndio kimefanya nipate mafanikio, hivyo ombi kwa wanawake wengine waje wajiunge kwenye kilimo, ingawa kinachangamoto, kikubwa ni kuvumilia”, amseema.

 

Uwoya ambaye ni Mwenyekiti wa mradi huo ameendelea kusema kuwa ameamua kuanzisha Mradi huo kutokana na yeye binafsi kuwekeza kwenye sekta ya Kilimo ambapo amefanikiwa kufanya kilimo Cha Tangawizi pamoja na Mpunga huko Mbarali Mkoani Mbeya.

 

Amesema kuwa kwa Sasa sekta ya Kilimo imepiga hatua kubwa kutokana na Serikali kuwekeza kwenye sekta hiyo kwa kuwezesha wakulima kupata pembejeo za kilimo,Zana Bora za Kilimo pamoja na Mikopo ya kuwawezesha katika kilimo.

 

" Toka nianze kujihusisha na kilimo Mwaka 2018 ,nimeona Mapinduzi makubwa sana ndani ya sekta ya kilimo,namshukuru sana mama yetu na Rais Wetu  Dkt Samia,pamoja na Waziri wa Kilimo Hussein Bashe kwa jitihada hizi wanazizifanya katika kuleta Mapinduzi ya Kilimo" amesema 

Nakuongeza kuwa Sekta ya Kilimo ni muhimili muhimu katika pato la Taifa,nakwamba Serikali imekuwa ikiweka mazingira rafiki katika kukuza sekta hiyo kwa kuweka jitihada muhimu ikiwemo kusimamia kilimo cha kisasa, kutoa pembejeo za kutosha,kutafuta masoko ya uhakika kwa ajili ya wakulima kuuza mazao yao,pamoja na kutoa Mikopo kwa wakulima wadogo.

 

Amesema kwamba asilimia 67 ya wanawake ndani ya familia wanajihusisha na kilimo,asilimia 29 ni wanaume ndani ya familia wanajihusisha na kilimo,pia asilimia 4 pekee ni wanawake na wanaume ndani ya familia wasiojihusisha na uzalishaji wa aina yoyote.

 

"Jembe ni Mama" ni kampeni ambayo nimeanzisha kwa ajili ya kusaidia Wizara ya Kilimo kuwa na kilimo bora chenye maslahi kwa wanawake wakulima nchini Tanzania" amesema Uwoya.