AIRTEL TANZANIA KUTOA MIZAWADI KWA WATEJA, MAWAKALA

Mkuu wa Mawasiliano na Uhusiano wa Kampuni ya Simu ya Airtel Tanzania, Jackson Mmbando. akizungumza na waandishi wa habari (hawapo pichani) wakati wa uzinduzi wa Promosheni ya  Airtel Santa Mizawadi uliofanyika makao makuu ya Airtel Tanzania jijini Dar es Salaam, Desemba 17, 2024.Kushoto ni Meneja Huduma kwa Wateja wa kampuni hiyo, Celina Njuju.

…………………………..

NA DOTTO MWAIBALE 

KAMPUNI ya Simu ya Airtel Tanzania inaanza msimu huu wa sikukuu na Airtel Santa Mizawadi  kupitia promosheni maalum yakutoa shukrani na kuwazadia wateja na mawakala wote wanaoendelea kutumia huduma za Airtel katika msimu wa sikukuu.

Akizungumza wakati wa hafla ya uzinduzi wa promosheni hiyo ya  Airtel Santa Mizawadi iliyofanyika makao makuu ya Airtel Tanzania jijini Dar es Salaam Desemba 17, 2024, Mkuu wa Mawasiliano na Uhusiano, Jackson Mmbando alisema Promosheni ya Airtel Santa Mizawadi inalenga kuwashukuru wateja na mawakala waaminifu na wanaoendelea kutumia Airtel katika msimu wote huu wa sikukuu.

“ Airtel Santa Mizawadini promosheni kabambe ambayo itawapa washindi fursa ya kuondoka na zawadi kemkem ikiwemo pocket WiFi, simu janja, pikipiki, runinga na pesa Taslim hadi shilingi milioni moja, “ alisema Mmbando.

Akielezea jinsi ya kushiriki na kujishindia Mizawadi ya Airtel Santa Mizawadi, Mmbando alisema  ikiwa wewe ni Wakala wa Airtel unatakiwa tu kufanya miamala ya kuweka na kutoa fedha, ambapo pia ili mteja aweze kuingia kwenye droo anatakiwa tu kufanya miamala kama vile kununua bando, Kutuma pesa, kutoa pesa, kulipa bili, kufanya miamala ya kibenki, kutuma au kupokea pesa nje ya nchi, kununua muda wa maongezi au vifurushi kupitia *149*99#, *150*60#, au kwa kutumia ‘My Airtel App’.

Kwa upande wake Meneja Huduma kwa Wateja, Celina Njuju alisema kampuni hiyo inawathamini sana wateja wake wote hivyo wachangamkie fursa ya kupata mizawadi kupitia promosheni hiyo kama ilivyoelezwa na Mkuu wa Mawasiliano na Uhusiano, Jackson Mmbando.

Njuju alisema kila wiki watachezesha droo kwa ajili ya kuwapata washindi na kuwa washindi hao watapigiwa simu kupitia namba 100 kama ambavyo wamekuwa wakiwasisitizia wateja wao kutotoa taarifa zao kwa mtu mwingine yeyote bali kwa kutumia namba hiyo.

Aidha Njuju alisema Promosheni hiyo itanogeshwa na Balozi wao Mr Santa ambaye atakuwa akipita mitaani na kuwa  watakapokutana naye anawahakikishia kuwa siku yao itanogeshwa zaidi na zaidi na balozi huyo. 

Meneja Huduma kwa Wateja wa kampuni hiyo, Celina Njuju, akisisitiza jambo wakati wa uzinduzi huo.

Mkuu wa Mawasiliano na Uhusiano wa Kampuni ya Simu ya Airtel Tanzania, Jackson Mmbando na Meneja Huduma kwa Wateja wa kampuni hiyo, Celina Njuju wakijadiliana jambo wakati wa uzinduzi huo.

  Mkuu wa Mawasiliano na Uhusiano wa Kampuni ya Simu ya Airtel Tanzania, Jackson Mmbando, akionesha moja ya bidhaa zitakazotolewa kama zawadi kwa washindi. Kushoto ni Meneja Huduma kwa Wateja wa kampuni hiyo, Celina Njuju.