MWANADADA ATWAA PIKIPIKI SANTA MIZAWADI YA AIRTEL

 

NA MWANDISHI WETU

MWANA DADA Fatuma Mwandege mkazi wa Majumba Sita Ukonga, jijini Dar es Salaam amefanikiwa kuandika historia kwa kutwaa pikipiki katika wiki ya kwanza ya promosheni ya Santa Mizawadi.

Katika droo ambayo imechezeshwa leo Desemba 24, 2024 na Meneja Mahusiano wa Kampuni hiyo, Jackson Mmbando, pia zawadi ya Runinga inchi 55, imekwenda kwa Halima Kimaro akiwa mkoani Shinyanga.

 Andrew Chiomo ambaye ni mwendesha Bodaboda, mkazi wa Ifakara mkoani Morogoro, amefanikiwa kuondoka na kitita cha Shilingi Mil. 1, zawadi ya Router kutoka Airtel ya kiwango cha 5G imechukuliwa na Josephine Mgagula mkazi wa Nzega Tabora.

Pia zawadi ya simu ya mkononi aina ya SmartPhone imekwenda kwa Omari Ramadhani mkazi wa Shinyanga.

Mmbando akizungumza katika droo hiyo ya wiki ya kwanza ya promosheni ya Santa Mizawadi ambayo inaendeshwa na Airtel Tanzania katika kipindi hiki cha Sikukuu ya Christimas, amesema huo ni mwanzo zawadi nyingi zinakuja.

Droo hii inafanyika kila Jumanne ya wiki kwa lengo la kuwapa wateja wetu zawadi mbalimbali ikiwemo fedha, pikipiki, runinga, smartphone kwa wale ambao wanatumia huduma zetu kwa njia tofautitofauti.

Mmbando amefafanua kuwa ili wakala, mteja na mtumiaji wa huduma za kampuni hiyo wanaingia katika promosheni hiyo kwa  

wananafanya miamala kila wiki kwa ajili ya Sikukuu ya Christmass kwa kutuma na kupokea pesa, kulipia bili mbalimbali utaweza kujishindia na kujipatia zawadi kutoka kwa Mr. Santa.

Ameongeza kuwa Promosheni ya Airtel Santa Mizawadi inalenga kuwashukuru wateja na mawakala waaminifu na wanaoendelea kutumia Airtel katika msimu wote huu wa Sikukuu.

Akielezea jinsi ya kushiriki na kujishindia Mizawadi ya Airtel Santa Mizawadi, Mmbando amesema Kwa Wakala wa Airtel anatakiwa kufanya miamala ya kuweka na kutoa fedha na Kwa mteja anachotakiwa kufanya kununua bando, kulipa bili, kutuma na kutoa fedha, kununua muda wa maongezia au vifurushi kupitia *149*99#, *150*60# au kupitia 'My Airtel App'.

 Ameongeza kuwa washindi wote watafikishiwa zawadi popote walipo baada ya taratibu kukamilika.