BABU ATOA WIKI MBILI

NA MWANDISHI WETU, SAME

MKUU wa Mkoa Kilimanjaro, Nurdin Babu ametoa wiki mbili kwa Kamati ya Ujenzi ya Jengo la Wagonjwa wa Nje (OPD) maabara na nyumba ya mtumishi katika zahanati ya Naibili wilayani Siha mkoani Kilimanjaro kuhakikisha unakamilika.

 

Babu ameyasema hayo akiwa kwenye ziara  wilayani  humo kukagua miradi mbalimbali

 ya maendeleo ambayo inatekelezwa na Serikali ya Awamu ya Sita chini ya Rais Samia Suluhu Hassan.

"Dk Samia ametoa zaidi ya shilingi milioni 271, lengo ni wananchi wake wapate huduma za afya kwa wakati, sipo tayari kuona ujenzi huu unasuasua, hivyo naagiza kituo hicho kijegwe usiku na mchana," amesema Babu.

 

Mkuu huyo wa mkoa, amewataka kila kiongozi kwa nafasi yake katika Halmashauri ya Wilaya ya Siha kujua kila mradi unaotekelezwa katika sekta yake kusimamia kwa ukaribu na kuhakikisha unamalizika ukiwa na viwango vya hali ya juu.